Mun

me_in_Stockholm

Marte Spangen

Mu namma lea Marte Spangen ja «Sámiid jorbbes oaffaruššanbáikkit» lea mu nákkosgirjedutkamuš. Mun lean riegadan Oslos jagis 1977 ja lean bajásšaddan Lotenis, Hedmárkus Norggas. Beroštuvven Sámi arkeologiijas go studerejin Romssa universiteahtas, gos válbmanin jagis 2005 earenomášsuorgin viikinga- ja árra gaskaáiggi silbačiegát Davvi-Norggas (gč. http://munin.uit.no/handle/10037/109).  Lean ovdal studeren maiddái dáidaga ja hábmema, historjja, lága ja arkeologiija Londonis, Oslos ja Barcelonas.

Válbmaneami maŋŋel bargen arkeologan Sámedikkis Finmárkus (2005-2006) ja Varanger Sámi museas earalágan sámi arkeologiija ja sámiid historjja ja oskku guoskki prošeavttain (2006-2008). Maŋimuš jagiid lean bargan prošeaktajođiheaddjin ja ráđđeaddin Kultuvrralaš historjja museas Oslos (2009-2012). Álggahin nákkosgirjji historjjalaš arkeologiijas Stokholmma universiteahtas miessemánus 2012.

Mu váldoberoštumit leat sámi arkeologiija, sámiid historja, osku ja oaffaruššambáikkit, jorbbes oaffaruššanbáikkit, historjjalaš arkeologiija, viikingaáigi, gaskaáigi, rituálaid arkeologiija ja silbačiegát.

Šleađgapoastačujuhus: marte.spangen@gmail.com

english-cv-2016 (Oanehis ánsologahallan)

Prentosat, logaldallamat jna. gávdnojit maiddái dáppe: https://su-se.academia.edu/MarteSpangen/

 

Advertisements
%d bloggers like this: